心跳回憶

無諗過我地會搞到咁樣........係我一手做成.......我唔知你會唔會原諒我.....每一晚我都係度爭扎....係度諗....係我諗清楚既時候.....突然就會閃過佢唔會原諒你.....你傷害完佢一次又一次....信完你一次又一次...重點信你....當我諗到呢度....我又再迷失....我開始崩潰....之前每一晚睇住你訓.....到而家...分開吓....我再睇唔到你訓覺.......有一種唔安樂既感覺.....每一晚都訓唔到...訓到都訓得唔好...尋晚見到你...我本應有好多野同你講...但係我無講到出口.......你只係講想靜吓........呢句說話又將我想講既野一一都唔敢講.....

對唔住.......我知自已講幾多次都唔夠......

我太過唔理人感受.............

我傷害得你太深............

但係我真係好想你原諒我...........

你想冷靜.......其實我大約都知你想點.......

不過只要我重可以做到既......

我會不惜一切去修補呢個過錯........................

 

今日所寫既........係自己一手做成.......可能自己唔適而做人丈夫....做人爸爸.....到左呢一刻連我自己都講唔出口叫你原諒.......亦都知就算你原諒.......你都會有條刺,好對唔住.....一次又一次令到你失望.........就如你所講我始終係我......呢一刻我真係變唔到.......我試過......但係失敗.......機會你俾過太多......多到我真係唔敢再要......有陣時我覺得你可以揀過好過我既男人....起碼唔會好似我咁........呢5年你同我一齊可以話係奇蹟.....好多人係我同你結婚既時候話過唔到2年就離婚......初時我真係覺得唔會......重話一定唔會.....係果一刻我以為我有準備做人丈夫做人爸爸......但係到左今日原來我係未準備好.....曾經我有諗過用晴晴叫你原諒我.......可笑!!!用個囡做擋箭牌......但係我諗得好清楚......再係咁落去只會令到你更加唔開心更加痛苦..........我要走.......請原諒我既不負責任......請原諒我既任性.......請你唔好再俾機會我.......我只會辜負你既期望........請唔好可憐我.......我已經令到你心碎.......碎左就算修補烈痕一樣會係度.....原諒我既自私......

今年或者係呢一生人對於我黎講可以話起伏好大........

第一件事係:

2008年1月23號零晨1:00我做左爸爸..........

我當期時好緊張......當見到自己個囡囡

果一刻我好開心......

果一刻我真真正正做左人爸爸!!

而第二件事係:

呢件事都係關於爸爸......

2008年12月11號零晨1:00我......失去左爸爸

同樣地.....當晚係我陪我爸爸......

果一刻我一樣好緊張.......但係極度唔開心.......

果一刻我亦都真真正正失去左我爸爸..............

呢兩件事對於我黎講好大好大感受.......

我體會到做爸爸既感受.......

亦體會到失去左爸爸既感受........

我唔知真係上天既安排定係真係咁巧合....

係我做爸爸既時候係零晨1:00....

係我失去爸爸既時候又係零晨1:00....

今晚有好多人出席我爸爸既喪禮.......所有親朋好友......

我只能夠講聲:有心.......

 

估唔到呢種感覺咁快消失........

今日訓醒既時候都重覺得好實在.....

但係呢一刻已經蕩然無存.....

係我既心態入面......

我好鍾意憑感覺做人....

覺得做人應該係咁.......

但係而家已經無左.......

應該要醒.......要面對......

面對現實.....接受現實......

我緊餘既自信己經無哂.....

所有野都消失了.........